د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

تېره مياشت په افغانستان کې نږدې ٢٨٠٠ کسانو ته مرګ ژوبله اوښتې

تېره مياشت په افغانستان کې نږدې ٢٨٠٠ کسانو ته مرګ ژوبله اوښتې

Sep 06, 2016 - 15:17

 کابل (پژواک، ١٦ وږى ٩٥): تېره مياشت د افغانستان په ٣٠ ولايتونو کې د ١٩٠ نښتو او بريدونو له امله څه باندې ١٦٠٠ تنه وژل شوي او نږدې ١٢٠٠ نور ټپيان دي، په پاتې څلورو ولايتونو کې هېڅ بريد نه دى شوى.

د روان ميلادي کال په تېره (اګسټ) مياشت کې د پژواک خبري اژانس خپاره شوي خبرونه چې د بېلابېلو سرچينو د څرګندونو له مخې برابر شوي، ښيي چې د يادو بريدونو نيمايي يې په هلمند، ننګرهار، فارياب، پکتيا، لغمان، غور او کندهار ولايتونو کې شوي دي.

د دغو بريدونو نيمايي نور په ٢٣ نورو ولايتونو کې ترسره شوي، خو په تېره مياشت کې په پنجشېر، باميانو، دايکنډي او سمنګان ولايت کې هېڅ بريد نه دى شوى.

د بريدونو شاوخوا نيمايي يې د دولتي ځواکونو او وسله والو مخالفينو (طالبانو او داعش) تر منځ مخامخ وسله والې نښتې دي.

له پاتې نورو بريدونو څخه ٣٨ د سړک غاړې د ماينونو چاودنې، ١٩ هوايي، ٢٥ وسله وال، څلور ځانمرګي، درې موټربم، شپږ د مقناطيسي ماينونو او دوه بمي بريدونه دي.

د پژواک راپورونه ښيي چې د يادو ١٩٠ بريدونو نيمايي مرګ ژوبله په پنځو ولايتونو کې اوښتې ده.

له دغو پنځو ولايتونو څخه په ننګرهار کې ٤١٧، په پکتيا کې ٣٦٩، هلمند کې ٣٥٦، غزني کې ١٦٢ او کندوز کې ١٥٩ تنو ته مرګ ژوبله اوښتې ده.

په دغو بريدونو کې تر ټولو لږه مرګ ژوبله په زابل، ميدان وردګو او پروان ولايتونو کې اوښتې ده.

دغه راز راپورونه ښيي چې تر ټولو ډېره مرګ ژوبله په مخامخ نښتو او هوايي بريدونو او تر ټولو لږه په بمي بريدونو کې رامنځته شوې ده.

د هېواد په پلازمېنه کابل کې هم سره له دې چې د نورو ولايتونو په پرتله امنيتي تدابير په کې ډېر دي، خو د دولت وسله وال مخالفين په کې کله ناکله بريدونه کوي.

راپورونه ښيي چې په تېره اګست مياشت کې په کابل کې يو د هدفي وژنې، يو ځانمرګى، يو موټربم او درې د مقناطيسي ماينونو بريدونه شوي او يوه هم پر سړک د ځاى پر ځاى شوي ماين چادونه شوې ده.

د دغو بريدونو له امله ٢٨ تنه وژل شوي او ٥٢ نور ټپيان دي.

د پژواک يو راپور ښيي چې د روان کال د اګست مياشتې تر پايه په کابل کې د بېلابېلو بريدونو له امله ٢٨٦ کسان وژل شوي او ٨٥١ نور ټپيان دي.

نښه: 

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement