د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

ننګرهار کې کډوال لا هم ستونزې لري

ننګرهار کې کډوال لا هم ستونزې لري

Jul 02, 2017 - 11:27

جلال اباد (پژواک، ۱۱ چنګاښ ۹۶): په افغانستان کې د ملګرو ملتونو د کډوالو د نړيوالې ادارې مشره وايي چې ننګرهار ولايت کې راستانه او بې ځايه شوي کډوال لا هم ستونزې لري.

 فاطمه عبدالله ننګرهار ته د سفر پرمهال له کورنيو بې ځايه شوو او له کډوالۍ راستانه شويو کورنيو سره ليدنې کړې او د هغوی ستونزې يې اورېدلې دي.

د ننګرهار ولايت رسنيو دفتر څخه د چنګاښ په ۱۱مه پژواک ته په راستول شوې خبرپاڼه کې راغلي، فاطمې عبدالله ننګرهار ته د سفر پر مهال له والي ګلاب منګل سره وليدل.

د ننګرهار والي له ملي او نړیوالو مرستندویه ادارو غوښتنه وکړه، ترڅو په دې ولایت کې له داخلي بې ځایه شوو او له کډوالۍ را ستنوو شوو کورنیو سره په بېلابېلو برخو کې مرستې وکړي.

په افغانستان کې د ملګرو ملتونو د کډوالو د نړيوالې ادارې مشرې فاطمې عبدالله وویل، په دې ولایت کې د داخلي بې ځایه شوو او له کډوالۍ را ستنوو شوو کورنیو سره یې بېلابېلې لیدنې ترسره کړې دي .

نوموړې زیاته کړه، د دې لیدنو پر مهال ورسره د اخلي بې ځایه شوو او له کډوالۍ را ستنوو شوو کورنیو د سرپناه،روغتیا او پوهنې په برخو کې د دوی ستونزې د حل په موخه شریکې کړې .

د هغې په وينا، په دې ولايت کې کډوال  لا هم  ستونزې لري  او دوى به هڅه  وکړي چې مرستندویه ادارې کډوالو سره مرستو ترسره کولو ته را جلب کړي.

مېرمن فاطمې د ننګرهار له والي د دوی  له ادارې سره د همغږۍ او همکارۍ څخه مننه وکړه.

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement