د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د لوګر بمبار کې د خوښۍ لپاره د طالبانو ولسوال او مرستیال يې هم وژل شوي

د لوګر بمبار کې د خوښۍ لپاره د طالبانو ولسوال او مرستیال يې هم وژل شوي

Aug 30, 2017 - 12:24

تعقيبي- پل علم (پژواک، ٨ وږى ٩٦):  د لوګر چارواکي وايي چې د مرکز پل علم هوايي بريد کې د خوښۍ ولسوالۍ لپاره د وسله والو طالبانو ولسوال او مرستيال يې وژل شوي او ځيني ملکي کسانو ته هم مرګ ژوبله اوښتې ده.

د لوګر د والي وياند سليم صالح د وږي په اتمه پژواک خبري اژانس ته وويل چې په مرکز پل علم او بره کي برک ولسوالۍ کې د خنجر په نامه عمليات پيل شوي دي.

هغه وايي چې د دغو عملياتو په ترڅ کې د هوايي بريد له امله نن سهار د خوښۍ ولسوالۍ لپاره د وسله والو طالبانو ولسوال ملا محمدالله او د هغه مرستيال حذيفه وژل شوي دي.

ده وويل: ((دغه کسان له يو شمېر نورو طالبانو سره په دشت باري سيمه کې په یوه کور کې پټ شوي وو چې هوايي بريد پرې شوى، د دوى ترڅنګ يو شمېر ملکي کسانو ته هم مرګ ژوبله اوښتې ده.))

هغه د ملکي خلکو د مرګ ژوبلې کره شمېر په ګوته نه کړ خو زياته یې کړه چې په اړه يې پلټنې پيل شوې دي.

خو د سيمې یوه اوسېدونکي خداى نظر کوچي پژواک ته وويل چې امريکايي ځواکونو په دشت باري سيمه کې د وکيل پر کور هوايي بمبار کړی دی.

هغه وايي: ((ټول کور يې ورته تباه کړى دى، په دغه کور کې ٢٨ کسان وو، تر اوسه موږ د ١٣ کسانو مړي او ١١ زخميان پيدا کړي خو نور لا هم تر خاورو لاندې دي.))

د هغه د معلوماتو له مخې، دغه کسان د خوست ولايت اوسېدونکي او په قوم ځدراڼ وو او له يو کال راهیسې په لوګر کې اوسېدل.

خو د سيمې یوه بل اوسېدونکي داوود هم پېښه تاييد کړه او ويې ويل: ((په دې کور کې له ٢٨ تر ٣٢ کسانو پورې اوسېدل، يو کس يې بېګاه چېرته مېلمه و، نور ټول يې وژل شوي دي.))

بل لور ته د وسله والو طالبانو وياند ذبيح الله مجاهد پژواک ته وويل چې طالبانو په لوګر کې د بهرنيو ځواکونو يوه الوتکه غورځولې ده.

دى وايي چې په الوتکه کې سپاره ټول سرتېري وژل شوي دي.

هغه وايي چې امريکايي ځواکونو په ياده سيمه کې پر ملکي خلکو بمبارد کړى چې په ترڅ کې یې د ښځو او ماشومانو په ګډون ١٣ کسان وژل شوي او اووه نور ټپيان دي.

امريکايي ځواکونو تر اوسه د يادې پېښې په اړه رسنيو ته څه نه دي ويلي.

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement