د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

هرات کې يوه ځوان ځان وژنه وکړه

هرات کې يوه ځوان ځان وژنه وکړه

Sep 24, 2017 - 16:56

هرات (پژواک، ٢ تله ٩٦): هرات کې يوه ٢٤ کلن ځوان پر خپله فېسبوک پاڼه د ژوند د وروستيو خبرو له شريکولو وروسته د تومانچې پر ډز سره خپل ژوند ته د پاى ټکى اېښى دى.

ياد ځوان راشد اريا نومېږي او پر خپله فېسبوک پاڼې د ويډيو خپرولو په ترڅ کې يې له ټولو خپلوانو او ملګرو بښنه غوښتې او ويلي يې دي چې د ځان وژنې لامل يې له ژونده زړه توري کېدل دي.

ياد ځوان دغه راز ويلي چې د خپل ژوند د بدلون لپاره يې څو ځلې سفرونه هم کړي، خو کوم بدلون په کې رامنځته نه شو.

د هرات حوزوي روغتون چارواکي وايي، پرون ماښام د يوه ځوان مړى ور وړل شوى چې د تومانچې د ډز له امله يې ژوند له لاسه ورکړى دى.

د هرات د حوزوي روغتون وياند محمد رفيق شېرزي پژواک ته وويل چې د ياد ځوان د سر په برخه کې د مرمۍ نښه تر سترګو کېږي.

هغه زياته کړه چې دغه ځوان پر روحي او رواني ناروغۍ اخته و چې په تومانچې سره يې خپل ژوند ته د پاى ټکى اېښى دى.

د شېرزي په وينا، دغه پېښه د هرات ښار په بکراباد سيمه کې رامنځته شوې ده.

هغه وويل، د ځوان مړى له څېړنو وروسته بېرته خپلې کورنۍ ته سپارل شوى دى.

دا په داسې حال کې ده چې د اسلام سپېڅلي دين ځان وژنه يو حرام کار او ستره ګناه بللي او هغه يوازېنۍ ګناه ده چې انسان به بيا هېڅکله هم د پښېمانۍ او توبې فرصت ترلاسه نه کړي.

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement