د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په کابل کې د پښتورګو د درملنې مرکز پرانيستل شو

په کابل کې د پښتورګو د درملنې مرکز پرانيستل شو

Oct 07, 2017 - 16:14

کابل (پژواک، ١٥ تله ٩٦): د عامې روغتيا وزارت اعلان کړى چې د پښتورګو درملنې په مرکز کې چې نن په کابل ښار کې رامنځته شو، ناروغانو ته د هېواد دننه په وړيا ډول زمينه برابرېږي.

د عامې روغتيا وزير ډاکتر فېروز الدين فېروز چې نن يې د ياد مرکز پرانيست غونډې ته خبرې کولې، وويل چې دغه مرکز په بنسټيز او معياري ډول پر پرمختللو طبي وسايلو سمبال په درېيو برخو کې چې ٤٠ همودياليز ماشينونه په کې لګول شوي، له ټولو اړينو توکو سره جوړ شوى دى.

فېروز زياته کړه چې اوسمهال په هېواد کې د هيمودياليز شاوخوا پنځه ززه ناروغان شتون لري چې د دغه شمېر ناروغانو له ډلې هر يو په اوونۍ کې درې ځلې هيمودناليز لري.

هغه زياته کړه چې د دې ډېری د دې ناروغۍ لرونکي سره له ډېرو پيسو په لګولو د درملنې لپاره له هېواده بهر سفر ته اړ وو، خو نن له نېکه مرغه چې د ورته مرکزونو په جوړولو سره هغوى ته په هېواد کې د وړيا درملنې زمينه مساعده شوې ده.

د عامې روغتيا وزارت د پښتورګو درملنه داسې ناروغي بولي چې زيات لګښت ته اړتيا لري او ژمنه يې کړې چې وزارت به هڅه وکړي چې په هېواد کې د درملنې دا ډول مرکزونه زيات کړي.

نوموړي د خپلو خبرو په ترڅ کې وويل چې ورته مرکزونه به ډېر ژر په کندهار، هرات او بلخ کې هم فعال شي.

هغه زياته کړه: ((راتلونکى کال په پام کې لرو چې په پکتيا، کندوز، پروان او باميانو کې هم يادې څانګې جوړې کړو.))

د يادونې ده، څلور مياشتې وړاندې په ننګرهار کې د پښتورګو ناروغۍ د درملنې لومړى مرکز ګټه اخيستنې ته وسپارل شو چې د ځايي خلکو ستونزې ورسره حل شوې دي.

هيمودياليز هغه مرحله ده چې د بډوډي د ناروغانو له بدن وينې باسي او له چاڼولو وروسته يې بېرته په دياليز دستګاه کې بدن ته استوي.

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement