د پاکستان راکټي بريدونه د زغم وړ ندي او په وړاندي ولاړ يو

دا خبرې نن په هلمند کي د مدني ټولنو همږغۍ مرکز مشرتابه، آجرائيه غړو او ځوانانو د کنړ په ولایت د پاکستان هيواد راکټي بريدونو په اړه مطبوعاتو ته وکړي.

د مطبوعاتي کانفرنس ګډونوالو ياد بريدونه په کلکو ټکو غندي او د حکومت څخه غواړي چې ژر تر ژره ددې بريدونو په وړاندي خپل دريځ اعلان کړي.

همدارنګه د کانفرانس ګډونوالو د پاکستان هيواد له خوا د ډيورنډ کرښې باندې اغزن تار تيريدو مخالفت وکړ او د دولت څخه يې د مخنیوي غوښتنه وکړل.

مدني ټولنو استازو او ځوانانو وویل، چمتو دي چي د خپل حکومت او ملي امنیتي او دفاعي ځواکونو په څنګ کي د هيواد قلمرو او خلکو ساتنه وکړي.