د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د افغانستان او ایران ولسمشرانو ټيلېفوني خبرې کړې

د افغانستان او ایران ولسمشرانو ټيلېفوني خبرې کړې

Nov 24, 2017 - 14:26

کابل (پژواک، ۳ لیندۍ ۹۶): د ایران ولسمشر د ټیلېفون له لارې خپل افغان سیال ته ویلي چې ایران په افغانستان کې د سولې، ثبات او امنیت غوښتونکی دی او دغه څه د خپل هېواد د امنیت پراختیا او سیمې د سولې او ثبات لپاره په ګټه بولي.

د ایران د ولسمشرۍ ریاست مطبوعاتي دفتر په خپره کړې خبرپاڼه کې ويلي چې حسن روحاني له ولسمشر غني سره په ټيلېفوني خبرو کې د ایران د کرمانشاه زلزلې پر پېښه د غمرازۍ له امله د افغانستان له دولت او خلکو مننه کړې ده. 

حسن روحاني ویلي: ((دغه غمرازي، ورورګلوي او همدردي تل د دواړو ملتونو تر منځ شته او موږ باید تل د یو بل تر څنګه و اوسو.))

تېره اوونۍ د ایران په کرمانشاه ولایت کې د زلزلې له امله شاوخوا ۴۵۰ کسان مړه او تر اوو زرو ډېر ټپیان شول.

د روحاني په خبره چې د افغانستان او ایران تر منځ سوداګریزې او اقتصادي اړیکې د اهمیت وړ دي او د چابهار بندر له طرحو ګټه اخیستنه، د ایران او افغانستان تر منخ د رېل پټلۍ نښلول او د شمال- سوېل دهلېز رامنځته کېدل به د سیمې هېوادونو په سوداګریزو او اقتصادي اړیکو کې مثبت بدلون راولي.

ولسمشر غني هم ویلي چې افغان حکومت د افغانانو د یووالي پیاوړتیا له خپلو اساسي اصولو بولي او هېڅکله به پرې نه ږدي چې دښمنان د دغه ملت تر منځ نفاق رامنځته کړي.

هغه د دې تر څنګ چې د ایران او افغانستان ملتونه تل د یو بل تر څنګ ولاړ، ملګري او وروڼه دي زیاته کړې چې افغانستان غواړي له ایران سره خپلو هر اړخیزو اړیکو او همکاريو ته پراختیا ورکړي. 

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement